Buhari Tamkar Uba Yake A Gare Ni, Ni Ba Makiyinsa Ba Ne, Cewar Sanata Dino Melaye

Duk wanda ya sake kallona a matsayin makiyin Buhari na bar shi da Allah, cewarsa

"Ni ba makiyin Buhari bane, da' nake a gare shi. Kowa yana sane da irin gwagwarmayar da na yi a shekarar 2015. Tare muka zagaye jihohin kasar nan baki daya, kuma ni ne kakakinsa a yayin yakin neman zabe. Na kuma jagoranci zanga-zanga zuwa ofishin INEC a madadinsa.

"Don haka a yanzu duk wanda ya kira ni a matsayin makiyin Buhari na bar shi da Allah.

Baya ga haka tunda mahaifina ne kuma shugabanmu, ba Annabi ba ne mutum ne kamar kowa, idan ya yi kuskure dole a yi masa gyara", cewar Sanata Dino Melaye.

1.